Nagapati ang civic group nga Jalaur River for the People Movement ukon JRPM nga dapat maprotektahan ang mga duta nga ginpahayag ginapanag-iyahan sang mga katutubo nga Panay Bukidnon.
Ini kasunod sang temporaryo nga pagsuspende sang Philippine Army sa checkpoint sa Jamindan, Capiz, matapos ang reklamo sang duha ka miyembro sang IP Panay Bukidnon.
Sa interview sang Bombo Radyo kay John Ian Alenciaga, coordinator sang Jalaur River for the People Movement, iya ginpahayag nga padayon pagpamatok nila sa ginatawag nga militarization sa komunidad sang Panay Bukidnon.
Suno kay Alenciaga, indi dapat paggamiton ang mga duta sang mga katutubo nga para ila isa mga pasilidad sa ila komunidad.
Nagpanawagan man ini sa gobyerno nga pagatutukan ang mga kinahanglanon sang mga Panay Bukidnon, ilabi na sa ikayong lawas, edukasyon kag respetuhon ang ila kinamatarong bilang Indigenous Peoples.
