-- ADVERTISEMENT --
Nagkampeon ang world number 1 nga si Jannik Sinner sang Italy sa men’s singles tennis title sang Wimbledon.
Ginlutos sini ang defending champion nga si Carlos Alcaraz sa score nga 4-6, 6-4, 6-4, 6-4 sa hampang nga naglawig sang tatlo ka oras kag apat ka minutos.
Si Sinner nangin una nga Italyano nga humalampang nga nagdaug sang titulo sa Wimbledon singles.
Nakuha ni Alcaraz ang kadalag-an sa una nga set apang wala nag-untat ang 23-anyos nga si Sinner kag sa katapusan nakuha ang kadalag-an kag gintapos ang handum ni Alcaraz nga makuha ang tatlo ka asud-asod nga All England Club titles.
