Personal nga gin-imbitar ni President Ferdinand Marcos Jr ang America’s Got Talent 2025 winner nga si Jessica Sanchez nga mag-perform sa Association of Southeast Asian Nations (ASEAN) Summit nga pagahiwaton sang pungsod sa masunod nga tuig.
Naghimo sang courtesy call si Jessica sa Malacañang sa diin personal sini nga nakit-an ang presidente kag First Lady Liza Marcos.
Tuman man ang kalipay ni Jesisica matapos personal nga ginpili ini sang presidente.
Nag-joke pa ang presidente nga kun mahimo, maga-step up siya agud mangin manager kag nagsuhestyon nga mangin tourist guide ang First Lady agud makabisita sa mga matahum nga lugar sa Pilipinas.
Nahibaluan nga yara sa Pilipinas si Jessica bilang isa sa mga nagperform sang New Year’s Countdown sa isa ka hotel sa Pasay City.
