Bilang paghanda sa bagyong Pepito nagpanagtag ang Ako Bicol Party List kag si Speaker Martin Romualdez sang mga bag-o nga rubber boats sa nagkalain-lain nga munisipalidad kag ahensiya sang gobyerno sa Bicol region nga may tuyo nga pabaskugon ang ikasarang sa pagsabat sa emerhensiya.
Suno kay Ako Bicol Partylist kag Appropriations panel chair Representative Zaldy Co nga naka standby na man ang mga heavy equipment agud masabat ang mga potensiyal nga pagtiphag sang duta, baha kag iban pa nga risgo nga tuga sang bagyong Pepito.
Ginpasalamatan ni Co si Speaker Martin Romualdez sa pagbulig sa mga local government units kag mga responders nga masiguro nga maluwas ang mga kabuhi kag ma-protektahan ang mga komunidad.
Nanawagan naman si Co sa mga Bicolano nga magpabilin nga informed kag magsunod sa mga mandu halin sa LGU.
