Gin-ako ni Atty Michael Poa, spokesperson sang kampo ni Vice President Sara Duterte angut sa impeachment, nga indi pa sila makaselebrar sang lubos bisan pa nga na-archive na sang Senado ang mga articles of impeachment.
Suno kay Poa, nakatutok sa gihapon sila sa pagsabat sa ano man nga direktiba sang korte suprema.
Matandaan nga nag-file sang motion for reconsideration ang Kamara sa SC sadtong Lunes angut sa nasambit nga bagay.
Gani, nagapati si Poa nga importante nga hulaton ang pinal nga desisyon sang korte sa mosyon sang Kamara.
Apang nagapati sila nga indi pag-islan ang desisyon sang mga mahistrado bangud mabaskog ang argumento sang ila nga bahin.
Una na nga ginpahayag ni Sen.Rodante Marcoleta nga wala pa siya sang nabatian nga desisyon sang SC En Banc nga gin-unanimous kag sang ulihi ginbaliskad ang kaugalingon nga desisyon.
