Naglab-ot na sa ka mga drivers sa Western Visayas ang nakabaton sang Cash Relief Assistance Program sang Department of Social Welfare and Development (DSWD).
Sa interview sang Bombo Radyo kay Therese Fely0 Legaste, Regional Information Officer sang DSWD Field Office VI, iya ginpapahayag nga kapin ₱239 million ang kabug-osan nga ayuda nga napanagtag na sa mga benepisyaryo sa rehiyon.
Suno kay Legaste, nakabaton sang tig-₱5,000 nga ayuda ang mga tricycle drivers, public utility vehicle (PUV) drivers, delivery riders kag transport network vehicle service (TNVS) drivers.
Dugang pa sini nga ang listahan sang mga benepisyaryo nga tricycle drivers naghalin sa mga local government unit (LGU), ang listahan naman sang PUV drivers ang naghalin sa Land Transportation Franchising and Regulatory Board (LTFRB).
Samtang, ang listahan sang mga delivery riders kag TNVS drivers ginhatag man sang LTFRB kag sa natungdan nga ahensya para sa implementasyon sang programa.
