Kapin 100 ka mga ROTC trainees sa probinsya sang Iloilo ang gindala sa nagkalain-lain nga ospital matapos makabatyag sang mga sintomas nga ginapatihan may kaangtanan sa food poisoning.
Base sa inisyal nga impormasyon, nagreklamo ang mga trainees sang pagpalanakit sang tiyan, pagsuka, pagkalipong kag iban pa nga mga sintomas matapos magkaon sang pagkaon nga ginserbe sa ila.
Bangud sini, gilayon nga ginhatagan sang medikal nga atensyon ang mga apektado kag gindala sa pinakamalapit nga mga ospital agud maeksaminar kag matambalan.
Padayon naman nga ginaimbestigaran sang mga otoridad kag sang mga health officials ang posible nga gintunaan sang insidente. Ginkuhaan man sang mga sample sang pagkaon para ipaeksaminar kag mahibaluan kon amo gid man ini ang rason sang pagkamasakit sang mga trainees.
Samtang, ginpasiguro sang mga otoridad nga padayon ang pagmonitor sa kondisyon sang mga naapektuhan kag nagapanawagan sang pag-amping sa pagpreparar kag pagserbe sang pagkaon agud malikawan ang kaangay nga insidente sa masunod nga mga aktibidad.
Wala pa sang opisyal nga pahayag ang mga otoridad kon ano gid ang eksakto nga hinungdan sang natabo samtang nagapadayon ang ila imbestigasyon.
