Kapin P2/kilo nga rollbak sa presyo sang LPG, nagsugata sa bulan sang Agosto

Nagnubo sang kapin P2 kada kilo ang presyo sang liquefied petroleum gas (LPG) sini nga Biyernes.

Sa isa ka advisory, ginpahayag ni Petron nga ginpanubo nila sang P2.50 kada kilo ang presyo sang ila household LPG, nga epektibo sang Agosto 1,2025.

Gin-anunsyo man sang Solane ang P2.45 kada kilo nga pagbuhin sa presyo sang ila produkto nga LPG sang Biyernes.

Sang nagligad nga bulan, ginpanubo sang mga LPG retailers ang presyo sang ila mga tangke sang LPG sang P1 kada kilo.

Sugod sang Hulyo, ang domestic price sang isa ka typical 11-kilogram LPG cylinder yara sa tunga sang P819 kag P1,099.