Nagapati ang International Criminal Court (ICC) Assistant to Counsel Kristina Conti nga may 80% nga tsansa nga mapasakaan sang korte ang kaso ni anay Presidente Rodrigo Duterte.
Kasunod ini sang desisyon sang international tribunal sa isyu sang hurisdiksyon sini sa pag-imbestigar sa drug war nga ginpatuman sang nagligad nga administrasyon.
Suno kay Conti, ang bag-o nga desisyon sang ICC isa ka maathag nga senyales sang pagpadayon sang imbestigasyon agud sa ulihi matumod kon sin-o ang iban pa nga perpetrators ukon kaupod sang anay presidente sa pagpatuman sang maduguon nga drug war.
Sinyales man ini suno sa iya para sa posible nga pag-apply sang dugang nga warrant of arrest batok sa iban pa nga mga personalidad.
Ginpanindugan ni Conti, kun may masunod nga madakpan, kaangay ni Sen.Ronald Dela Rosa, mas makapaayo suno sa iya kun gilayon ini nga ipatuman.
Ginpanugyanan man sang abogado ang Senador nga magpasakop sa hurisdiksyon sang korte kag kwestyunon ang merito sang kaso nga yara sa iya atubang.
Pahayag pa sini, masarangan ini sang Senador, ilabi na kun tuyo man sang iya kampo nga kwestyunon ang mga warrants nga posible gin-isyu ukon iga-isyu pa sang international tribunal.
