Nagtaliwan na ang kauna-unahan nga presidente sang Namibia nga si Sam Nujoma sa edad nga 95-anyos.
Ginkumpirma ni Namibian President Nangolo Mbumba ang pagtaliwan ni Nujoma sa balay sini sa Windhoek.
Matapos ang dalayon nga nangin hilway ang Namibia nagpungko siya bilang Presidente sumugod 1990 tubtob 2005.
Ginpahayag ni President Mbumba nga sadtong nakaligad nga tatlo ka semana na-confine sa ospital ang anay presidente.
Nakilala si Nujoma nga amu ang madugay nga nagpakigbato agud maangkon ang kahilwayan sang Namibia sa South Africa sadtong 1990.
Tuig 2007 sang nagpanaog ini sa puwesto bilang nagapanguna sang ruling party nga Swap party matapos ang 47 ka tuig nga pagserbisyo.
Nagpalab-ot naman sang pakig-unong si African Union Commission chairman Moussa Faki Mahamat kag pila ka lider sang pungsod matapos nga mabalitaan ang pagtaliwan sang anay presidente.
