Nagtaliwan na ang Australian model nga si Lucy Markovic sa edad nga 27-anyos.
Suno sa iya agency nga Elite Model Management, nga bangud sa pinasahi nga brain condition ang nangin rason sang iya nga kamatayon.
Nakilala si Markovic sang nagpasakop ini sa “Australia’s Next Top Model” kun sa diin nagtapos ini nga runner up matapos mapiyerde kay Britanny Beattie sadtong 2015.
Tatlo ka semana antes ang iya nga kamatayon, ginpakigbahin sini sa iya nga social media account nga magapaidalom ini sa operasyon para sa brain arteriovenous malformation (AVM).
Ang AVM isa ka sahi sang pagbara sang blood vessels nga magaresulta sa brain damage kag stroke.
Ginalaragway pa sini ang nasambit nga malformation nga kaangay sang bola sang golf ang kadakuon kun sa diin nakabatyag ini sang seizures.
Nagbubo naman ang pagpakig-unong gikan sa malapit nga abyan kag mga kaupod nga model ni Markovic.
