CAPIZ – Wala ginasuportahan ni Former 1Tahanan Representative Atty. Nathaniel Oducado ang pagduso sang House of Representatives nga i-postpone ang Barangay and Sangguniang Kabataan Elections (BSKE).
Ginaduso ni Negros Occidental third district Rep. Javier Miguel Benitez ang House Bill 10591 nga naga-postpone sang Barangay kag Sangguniang Kabataan Elections sa Nobyembre 2, 2026 kag sayluhon sa Nobyembre 2028.
Sa interview sang Bombo Radyo kay Atty. Oducado, iya ginpahayag nga wala siya sang may Nakita nga rason para i-delay ang eleksyon.
Suno sa abogado, ang amo nga proposal wala nagasunod sa sa nangin desisyon sang Korte Suprema sa Macalintal vs. Comelec case.
Pahayag niya, nagasiling ang High Court nga ang pag-postpone sang eleksyon ang kinahanglan nga nakabase sa urgency kag indi dapat nga magtuga sang delay sa paghatag sang kinamatarong sa tawo nga magpili sang ila lider.
Ginpunto man sang natungdan nga nakagasto na sang dako ang Commission on Elections (Comelec) para sa pagpreparar sang eleksyon.
Nagalaum si Oducado nga madayon sa gihapon ang eleksyon sa natalana nga Nobyembre 2, 2026.
