Kanselado sa gihapon ang klase sa pila ka mga lugar sa Pilipinas bangud sa epekto sang bagyo nga Dante kag Emong kag Southwest monsoon.
Sa Ilocos Region, ginpauntat na ang klase sa bug-os nga probinsya sang Pangasinan sa tanan nga lebel sa pampubliko kag pribado nga buluthuan.
Pila ka mga banwa sa probinsya, partikular sa Umingan, Malasique, Mapandan, Dagupan City, Calasiao, Lingayen, Malasiqui, Mangatarem, kag Sta. Barbara, nagdeklarar na sang state of calamity bangud sang grabe nga pagbaha nga nag-igo sa nasambit nga mga lugar nga nagresulta sa pagbakwit sang mga pumuluyo.
Sa National Capital Region, ginpauntat ang klase sa syudad sang Malabon kag Navotas sa tanan nga lebel sa pampubliko kag pribado nga buluthuan.
Sa Calabarzon, kanselado na ang klase buwas sa Silang kag General Trias City sa probinsya sang Cavite sa tanan nga lebel sa pampubliko kag pribado nga buluthuan.
Gindeklarar man sang Antipolo City ang class suspension sa tanan nga lebel sa mga pampubliko nga buluthuan.
Sa rehiyon sang Mimaropa, wala sang klase sa Occidental Mindoro sa tanan nga lebel sa pampubliko kag pribado nga eskwelahan.
