Klase sa pila ka mga eskwelahan sa siyudad sang Roxas, suspendido buwas nga adlaw bangud sa pag-ulan nga dala sang bagyong Falcon

ROXAS CITY – Suspendido na ang klase sa pila ka mga eskwelahan sa siyudad sang Roxas buwas nga adlaw sang Miyerkules, Hulyo 17, bangud sa pag-ulan nga dala sang bagyong Falcon. 

Ini ang pinaagi sa ginpapanaog nga memorandum order sang alkalde sang siyudad nga si Roxas City Mayor Ronnie Dadivas. 

Ang nasambit nga suspensiyon sang klase humalin sa pre-school tubtob sa senior high school sa tanan nga pampubliko kag pribado nga mga buluthuan sa siyudad. 

Sa karon, nagapabilin naman nga nakaalerto ang Provincial Disaster Risk Reduction and Management Council (PDRRMC) sa posible nga pagbaha kag landslides nga dala sang mga pag-ulan nga tuga sang nasambit nga bagyo.