Klay Thompson, napaslawan nga makapuntos sa iya Dallas Mavericks debut sa pihak sang 21 mins nga paghampang

Napaslawan nga makasulod sang puntos si 4-time NBA champion Klay Thompson sa iya una nga game bilang Dallas forward.

Sa nangin hampang sa tunga sang Dallas Mavericks kag Los Angeles Clippers, naghampang ang sharpshooter sa sulod sang 21 mins apang bisan isa wala ini sang naisulod nga shot nagikan sa iya siyam nga attempts.

Tatlo ka rebound kag isa ka assist lamang ang iya nga naamot sa Dallas nga dalayon man nga ginpiyerde sang Clippers sa score nga 110 – 96.

Si Klay ang isa sa mga starter sang Dallas apang wala niya nakaupod ang iban nga star sang grupo nga sanday Kyrie Irving kag Luka Doncic nga sa karon nagapahuway.