Ginbasura sang Pasig City Regional Trial Court Branch 159 ang motion ni anay Pastor Apollo Quiboloy nga magpa-house arrest.
Sa ginpaguha nga apat ka panid nga pagsulundan sang korte, nga wala sila sang nakita nga justification agud ibutang siya sa house arrest.
Wala man sang bastante nga mga dokumento ang kampo sini nga magbaskog nga nagahina ang kondisyon sang lawas ni Quiboloy samtang ini ang nagapabilin sa prisohan sa Pasig City Jail.
Dugang pa sang korte nga may yara sang kinamatarong ang Bureau of Jail Management and Penology (BJMP) agud sabton ang anuman nga reklamo sa ikaayong lawas ni Quiboloy.
Matandaan nga ginhinyo ni Quiboloy nga kun mahimo ibutang siya sa house arrest sa Garden of Eden Resort sa syudad sang Davao sa KOJC Compound ukon sa syudad sang Tagaytay.
Kadungan man ini sang ginbasura sang korte ang mosyon sang kampo ni Quiboloy nga indi pag-ilakip ang private lawyers kag private prosecutors sa kaso.
Ginatumod diri ang indi pagpasugot nanday Atty. Joahna Paula Domingo kag Atty. Ian Enterina ang legal counsel sang complainant nga si Amanda.
Sa bahin ni Atty. Domingo nga makita nga himsog si Quiboloy bangud nahimo pa sini nga magpadalagan sa pagka-senador.
Matandaan nga naatubang sa qualified human trafficking kag ang paglabas sa Special Protection of Children Against Abuse, Exploitation and Discrimination si Quiboloy.
