CAPIZ – Gintago sa underwear sang 16 anyos nga estudyante ang kutsilyo rason nga wala ini matalupangdan kag nadala sa sulod sang Jamindan National High School.
Ang estudyante amo si alyas Ben, Grade 9.
Sa interview sang Bombo Radyo kay Ms. Glenda Marie Botin, Division Disaster Risk Reduction and Management Officer sang Department of Education (DepEd)-Capiz, iya ginpahayag nga may yara sang inspection nga ginapatigayon ang gwardya sa mga estudyante antes magsulod sa buluthuan.
Suno kay Botin, naghuni man ang metal detector apang nagdumdom ang gwardya nga bangud ini sa buckle sang paha sang estudyante.
Pahayag niya, indi man mahimo nga makapkapan ang mga estudyante bangud tubtob lang gid sa bag kag paggamit sang metal detector ang pag-body frisk.
Dugang pa sang natungdan, ginabanta nagalaba sang 3 inches ang kutsilyo kag ini ang wala magamit sa natabo nga insidente.
