Labing-una nga American nga si Jim Whittaker nga nakasaka sa putukputukan sang Mt. Everest, nagtaliwan na sa edad nga 97

Nagtaliwan na ang labing-una nga American nga si Jim Whittaker, nga nakasaka sa putukputukan sang Mount Everest, sa edad nga 97.

Ginkumpirma sang iya anak nga si Leif ang kamatayon sang iya amay sa ila puluy-an sa Port Townsend, Washington, bangud sa iya edad.

Sang Mayo 1, 1963, nalab-ot niya ang rekord kag sugod sadto ginakabig siya nga bilang isa sa mga ginapaabot nga mountaineers sa sulod sang mga dekada.

Sa edad nga 83, nagsaka siya liwat sa Everest upod sa iya pamilya.

Kilala siya bilang “Big Jim,” natawo siya sa Seattle, Washington sang Pebrero 10, 1929, kag nagsugod sa pagsaka sa mga bukid upod sa iya kapid nga si Lou bilang Boy Scouts sang 1940.