Arestado ang isa ka lalaki matapos ginserbihan sang warrant of arrest sang mga katapo sang Roxas City PNP, sa Sitio Pagutok, barangay Bolo, Roxas City.
Ginkilala ang akusado kay alyas “Ronald”, 39-anyos kag residente sang barangay VII, sining syudad.
Sa impormasyon nga nakuha sang Bombo Radyo nagikan sa Roxas City Police Station, ginpahayag nga ang amu nga persona ang nagapangatubang sa kaso nga Theft ukon ang pagpangawat.
Ang warrant of arrest ang gin-isyu kag ginpirmahan ni Hon. Aida Raissa T. Espinosa, Presiding Judge, Municipal Trial Court in Cities, Branch 4, Roxas City kag napetsahan Pebrero 14, 2025.
Ginrekomendar naman sang korte ang pyansa nga P10,000.00 para sa temporaryo sini nga kahilwayan.
Sa karon, yara na ini sa kustodiya sang Roxas City Police Station para sa nagakaigo nga disposisyon.
