Napatay sang nagresponde nga pulis ang isa ka 43-anyos nga lalaki nga gina-alegar una nga nagpangbuno sa isa ka mag-iloy sa Davao City sang tinalikdan nga Martes.
Base sa imbestigasyon sang kapulisan, nagkadto ang suspek nga armado ng patalom sa auto shop sang mga biktima sa Barangay Riverside.
Una nga inatake sang suspek ang 26-anyos nga tag-iya sang shop na naka-agum sang tatlo ka buno sa lawas.Nagtambag man ang iloy sang biktima apang ginbuno man ini sa likod.
Parehas naman nga gindala sa ospital ang mag-iloy para dapatan sang pagbulong.
Nagresponde naman ang mga pulis sang Task Force (TF) Davao kag Calinan Police Station asta nnakit-an ang suspek sa balay ng sang iya ugangan.
Apang sa baylo nga magsungka, naghana pa ang suspek nga bun-on ang isa ka katapo sang task force Davao City rason nga ginluthang ini .
Pagkatapos nga maaresto kag makuha ang dala nga kutsilyo, gindala ang suspek sa ospitalapang ginbawian ini sang kabuhi.
Nahibaluan nga may daan na nga hiligut-anon ang suspek kag biktima nga gintunaan sang nasambit nga insidente.
