Patay ang 42-anyos nga lalaki bangud na-pressure sa trabaho kag 45 ka adlaw nga wala sang tulog.
Nag-utas sa iya nga kabuhi ang area manager sa Bajaj Finance sa Jhansi City sa Indian state sa Uttar Pradesh diin nagbilin pa ini sang suicide note kun sa diin klaro niya nga ginmentionar ang pressure sa trabaho nga iya gina-atubang nagikan sa iya mga senior sa nag-agi nga duha ka bulan bangud sa iya nga mga target kag kun paano gin-ibanan ang iya suweldo.
Nakit-an sang kabulig sa balay ang patay nga lawas sang amo nga lalaki sang aga na sadtong Setyembre 30.
Ginpahayag nga gin-lock sang lalaki ang iya nga asawa kag duha ka mga bata sa isa ka kwarto kag ginhimo ang ginatawag nga ‘drastic step.’
Magluwas sa pressure nga iya nabatyagan, liwat siya nga ginpakahuy-an sa iya nga mga seniors kabangdanan nga wala na siya kahibalo sa iya himuon.
