-- ADVERTISEMENT --
ROXAS CITY – Pilason ang 56-anyos nga lalaki matapos aksidente nga na-sideswipe sang isa ka tricycle sa Rizal Street, Barangay 7, Roxas City.
Ginkilala ang biktima kay Javier Java sang nasambit nga lugar.
Base sa imbestigasyon sang Roxas City PNP samtang nagatindog ang biktima sa naka-parked nga tricycle sa higad sang dalan sang aksidente nga na-sideswiped sang wala makilala nga tricycle nga madasig nga nagpalagyo sa wala matumod nga direksyon.
Bangud diri, nag-angkon sang pilas sa natuo nga tiil ang biktima nga gilayon nga gindala sa Roxas Memorial Provincial Hospital para dapatan sang pagbulong ang naangkon nga samad.
