Pilason ang isa ka lalaki matapos ginlabo sa ulo sang iya mismo nga manugang sa Sitio Ilawod, Barangay Abangay, Tapaz, Capiz.
Ang biktima amo si alyas “Ben,” 67-anyos, samtang ang suspek amo ang iya manugang nga si alyas “Eddie,” 57-anyos, lunsay residente sang nasambit nga lugar.
Sa interview sang Bombo Radyo kay Police Major Gregg Anthony V. Salbang, Officer-in-Charge sang Tapaz Municipal Police Station, iya ginpahayag nga nagkadto ang biktima sa balay sang suspek agud komprontahon ini may kaangtanan sa gin-utod nga tanum sang saging.
Diri na kag naglain ang buot sang suspek kag gintabo ang biktima sa ulo.
Dugang pa sang natungdan nga madasig naman nga nakapalagyo ang suspek pagkatapos sang insidente.
Sa subong, padayon pa ang imbestigasyon sang mga otoridad.
