Isa ka lalaki ang nakit-an sa China matapos ang anum ka adlaw nga paglakat sa kabukiran nga wala sang pagkaon, tubig, ukon cellphone.
Suno sa report, ginhimo niya ini sa desperado nga pagtinguha nga malipatan matapos nga nagbulagay sila sang iya nobya.
Ang lalaki amo si Xiaolin, nga naghalin sa iya apartment sa Hangzhou sang Hunyo 20.
Nakit-an ini sang Hunyo 26 matapos nasiplatan sang surveillance camera sa isa ka parke sa isa pa ka distrito.
Suno sa report sang pulis, halos 40 kilometros ang ginlakat ni Xiaolin. Agod mabuhi, nag-inom siya sang tubig sa mga sapa kag nagkaon sang mga prutas kag pagkaon nga makita malapit sa mga balay sa tiilan sang bukid.
Gin-ako ni Xiaolin nga ginhimo niya ini agud malipatan ang kasakit sang ila pagbulagay sa iya nobya.
Sa subong,nangin maayo na ang kahimtangan ni Xiaolin kag naga-amat-amat na ini nga nagabalik ang iya panglawas.
