Lebron James, liwat nga naghimu sang triple-double sa kadalag-an sang Lakers batuk sa Sixers

Liwat nga naghimu sang triple-double performance si NBA superstar Lebron James sa nangin kadalag-an sang Los Angeles Lakers batuk sa Philadelphia 76ers.

Ginsulod ni Lebron ang 21 ka puntos, nag-agaw sang 12 ka rebounds, kag naghimu sang 13 ka assists sa sulod sang 34 ka minutos nga iya paghampang.

Ginpangunahan naman sang bigman nga si Anthony Davis ang opensa sang Lakers kag nagsulod sang 31 ka puntos.

Sa nasambit nga hampang , ginpahampang na ang anay starter nga si D’Angelo Russell bilang bench apang naghimu sa gihapon siya sang 18 ka puntos sa sulod sang 25 ka minutos nga paghampang.

Bangud sini nalunong na sa pito ka pagkapiyerde ang Sixers, nagapabilin nga isa ang nadag-an batuk sa grupo.