Sabat sa pila ka adlaw nga dugang sa kalan-on ang nabaton nga tag-napulo ka kilo nga bugas sang kapin 814 ka mga pamilya halin sa 11 pa gid ka mga kabarangayan sa banwa sang Cuartero nga gindala sang Gobyero Probinsyal sang Capiz pinaagi sa pagpanikasog ni 𝗚𝗼𝘃𝗲𝗿𝗻𝗼𝗿 𝗙𝗿𝗲𝗱𝗲𝗻𝗶𝗹 𝗛. 𝗖𝗮𝘀𝘁𝗿𝗼, sa ginpatigayon nga distribusyon subong nga adlaw, Agosto 7, sa Zubiri Grand Stand, Brgy. Poblacion Ilawod.
Ang mga nakabaton sang libre nga bugas amo ang mga mangunguma, mangingisda, 4Ps kag madamo pa, nga may ginapangatubang nga kabudlayan bangud sa nagluntad nga krisis sa krudo kag enerhiya nga nakaapekto sa pagtaas sang presyo sang tanan nga mga balaklon.
Nagikan ang mga ini sa Brgy. Poblacion Ilawod, Agcabugao, Bun-od, Mahabang Sapa, Nagba, Angub, Poblacion Ilaya, Poblacion Takas, Bitoon Ilawod, Bitoon Ilaya kag Malagab-i.
Ang amo nga distribusyon kabahin sa gihapon sang padayon nga tikang sang Gobyerno Probinsyal sang Capiz, kaupod ang Provincial Social Welfare and Development Office (PSWDO) kag sang bug-os nga pwersa sang Task Force Pagdumdum, nga gintingub sa pagserbisyo sa mga komunidad nga nagakinahanglan.
