Ginpalawig sang Local Government Unit (LGU) sang Jamindan, Capiz, ang oras sang paggamit sang mga pampubliko nga pasilidad sa banwa.
Sa interview sang Bombo Radyo kay Mr. Mac Valdemar, municipal administrator sang nasambit nga banwa, iya ginpahayag nga kabahin ini sang pagsuporta sa direktiba sang Department of the Interior and Local Government (DILG) sa idalom sang ang Memorandum Circular No. 2025-037.
Tinutuyo sini nga mandohan ang tanan nga mga Local Government Units (LGUs) nga maghatag sang patas, wala kag malawig nga paggamit sang mga pampubliko nga pasilidad kaangay sang mga barangay hall, plaza, sports complex, kag parke.
Suno kay Valdemar, Tinutuyo sang amo nga memorandum nga mahatagan ang mga residente sang libre kag accessable nga mga pasilidad para sa pag-ehersisyo kag sa sports.
Ini agud man malikawan ang mga balatian nga may kaangtanan sa kakulang sang pisikal nga aktibidad kag masiguro ang ikaayong lawas.
Nagpanawagan man ang natungdan sa tanan nga nagagamit sang mga pasilidad mentinaron ang katinlo agud magamit ini sang iban pa nga mga pumuluyo.
