Gin-anunsyo sang state weather bureau nga posible nga indi mangin bagyo ang Low Pressure Area (LPA) sa sulod sang Philippine Area of Responsibility (PAR).
Apang padayon sa gihapon suno ini nga magatuga sang magal-umon nga kalangitan kag mga pag-ulan sa katimugan nga Mindanao kag pila ka bahin sang Visayas.
Sa weather forecast sang PAGASA, ang nasambit nga LPA ginabulubanta nga yara sa 645 kilometros nasidlangan sang Southeastern Mindanao.
Apektado naman ang mga lugar sa Central Visayas, Eastern Visayas, Caraga, Davao Region, kag Siquijor nga maga-eksperyensya sang magal-umon nga panahon nga may pag-ulan kag pagpanaguob tuga sang LPA.
Posible man nga magatuga sang pagbaha ukon landslide bangud sa kasarangan tubtob panalagsa nga pag-ulan.
Samtang, sa Metro Manila naman kag iban pa nga bahin sang pungsod lauman ang magal-umon tubtob magal-umon nga kalangitan nga may lapta-lapta nga pag-ulan ukon pagpanaguob tuga sang easterlies.
Ginapaandaman ang publiko sa posibilidad sang pagbaha ukon pagkatiphag sang duta tuga sang epekto sang LPA sa pungsod.
