MANILA – Ginpalab-ot ni Vice President Sara Duterte ang birthday wish sang iya amay nga si anay President Rodrigo Duterte para sa iya malapit nga kaalyado nga si Senador Ronald “Bato” Dela Rosa, nga nag selebrar sang iya ika-64 nga kaadlawan sang Enero 21.
Suno kay Vice President Duterte, nagpahayag ang iya amay kay Dela Rosa nga magpakatig-a nga daw kaangay sang bato.
Ini matapos sang iya pagbisita sa iya amay nga yara sa detention center sang International Criminal Court (ICC) sa The Hague, Netherlands.
Magluwas sa mensahe sang amay, nagpalab-abot man ang Bise Presidente sang iya personal nga pagpanginbuluhan sa senador, sa diin ang birthday wish sini amo ang good health, happiness kag success subong nga Year of the Horse.
Si Dela Rosa, nga anay hepe sang Philippine National Police kag nanguna sa “war on drugs” sang Duterte administration, ang wala na nakatambong sa mga sessions sang Senado humalin pa sang Nobyembre 11, 2025.
Ini matapos gin-anunsyo ni Ombudsman Jesus Crispin Remulla nga nagpagwa na ang ICC sang arrest warrant batok sa senador bangud sa kaso nga crimes against humanity apang wala ini makumpirma.
Dugang pa sang bise presidente, sa subong, yara sa maayo nga sitwasyon ang iya amay, apang normal na sa edad sini nga nagakabudlayan na sa paglakat gani nagagamit na ini sang tungkod.
