Ginbuyagyag sang Malacañang nga wala sila nakahibalo kon diin si Vice President Sara Duterte.
Suno kay Palace Press Officer Claire Castro, ang pinakaulihi nga travel authorization nga ginhatag sa Bise Presidente ang para sa iya pagbiyahe sa South Korea kag Netherlands.
Apang ginpahayag ni Castro nga may yara siya sang impormasyon nga nagaplano ang Bise Presidente nga magpadulong sa Kuwait nga gin-anunsyo man ni Duterte sang nagligad nga mga semana.
Ginahulat pa sang Office of the President ang travel authority request nga isumiter ni Duterte.
Madumduman nga nag-abot sa pungsod ang Bise Presidente sang Hulyo 28 gikan sa iya pagbiyahe sa South Korea.
Halin sang Hulyo 29 tubtob 31, yara sa Marinduque ang Bise Presidente agud maghatag sang relief goods sa mga naapektuhan sang mga bagyo kag sang southern monsoon.
