PILAR, CAPIZ – Patay na sang masapwan ang isa ka mangingisda sa baybayon nga bahin sang Barangay Balogo, Pilar, Capiz.
Ang biktima amo si alyas Mat, 69-anyos kag residente sang nasambit nga lugar.
Base sa imbestigasyon sang Pilar Municipal Police Station, nakit-an ang biktima sa higad sang dagat nga nagakulob kag wala na sang kabuhi.
Gilayon ini nga gindala sa Bailan District Hospital apang gindeklarar nga dead on arrival sang doktor nga nag-atendir.
Suno pa sa kapulisan, nagpadulong sa dagat ang biktima las 12:00 sang udto agud kuntani magpangisda apisar malain ang iya pamatyag.
Nahibaluan nga may yara sang balatian nga high blood ang biktima.
Nagapadayon ang imbestigasyon sang Pilar PNP angut sa nasambit nga insidente.
– With a reports from Bombo Jessa Mae Siman De Los Santos
