Ginpahayag sang transport group nga Manibela nga ginbalabagan na nila ang ila mga protest centers, apang padayon gihapon ang ila transport strike.
Suno kay Manibela chairman Mar Valbuena, madamo sa ila mga miyembro ang wala pa gihapon nagabyahe samtang ginaproseso ang mga kinahanglanon nga dokumento.
Dugang ni Valbuena, ang paguntat sang operasyon indi na bahin sang piket kundi para makasunod sa government requirements, ilabi na ang route master lists.
Suno sa iya, kinahanglan nga matapos anay ang mga papeles antes makabalik sa pagbyahe ang mga driver.
Gindugang niya nga praktikal nga tikang ang pagbalabag sang strike centers agud mas maasikaso sang mga miyembro ang ila compliance.
May pipila man ka lider sang grupo ang indi pa makatutok sa operasyon bangud sa pag-atubang sa legal nga hearing.
Samtang, ginpahayag sang grupo nga posible pa gihapon ang panibag-o nga strike depende sa hulag sang presyo sang gasolina, nga para sa ila indi pa bastante ang rollback agud mapamag-an ang palas-anon sang mga tsuper.
