Magapatigayon sang nationwide transport strike ang grupo nga Manibela sa palaabuton nga Setyembre 14, 15 kag 21 bangud sa padayon nga pagsaka sang presyo sang gatong.
Sa interview sang Bombo Radyo kay Mar Valbuena, presidente sang Manibela, iya ginpahayag nga magaupod sa transport strike ang nagkalain-lain nga mga grupo sang transport sector.
Suno kay Valbuena, indi makatarungan ang padayon nga pagsaka sang presyo sang gatong bangud wala man nagasaka ang plete sang mga pampublikong transportasyon.
Pahayag pa niya, naga-antos ang mga motorista bangud sa mataas nga presyo sang gatong, samtang wala sang nagakaigo nga tikang ang gobyerno para mabuligan ang mga ini.
Nagalaum man ang natungdan nga mabatian sang gobyerno ang ila panawagan kag magpatuman sang tikang para mapunggan ang padayon nga pagsaka sang presyo sang gatong.
