Manual Load Dropping, ginapatigayon sang NGCP agud maprotektahan ang transmission line sa tunga sang kulang nga supply sang kuryente

Adlaw-adlaw nga ginapatigayon sang NGCP ang Manual Load Dropping halin Marso tubtob Setyembre bangod sa kulang nga power supply.

Sa pahayag ni Engr. Edgar Diaz, General Manager sang Capiz Electric Cooperative ukon CAPELCO, iya ginpahayag nga ini nga pamaagi ginapatuman agud maprotektahan ang transmission line kag malikawan ang pag-collapse nga mahimo magresulta sa blackout nga madugay sang apat tubtob walo ka oras.

Suno kay Diaz, ginapalapad anay sang NGCP ang dropout ukon mga lugar nga maapektuhan sang brownout antes magpatuman sang Manual Load Dropping.

Padayon naman nga ginamanage sang CAPELCO ang sitwasyon bangod sa kakulang sang power supply.