Dako ang papel sang Armed Forces of the Philippines (AFP) sa bag-o nga layi ukon ang Philippine Maritime Zone kag Philippine Archipelagic Sea Lanes Law nga ginpirmahan ni Pang. Ferdinand Marcos Jr.
Sa pahayag ni AFP Chief of Staff Gen. Romeo Brawner, sa idalum sang nasambit nga layi mandato sang Sandatahang Lakas ng Pilipinas partikular ang Philippine Navy nga protektahan kag depensahan ang maritime zones sang pungsod ilabi na sa external aggression.
Samtang ang mandato naman sang Philippine Coast Guard (PCG) ipatuman ang layi ilabi na sa mga nagalapas kag wala naga-agi sa gintalana nga sea lanes.
Suno kay Brawner, siguraduhon sang Philippine Navy nga luwas ang maritime zones sang Pilipinas.
Ginsiguro man sang Phil. Coast Guard nga luwas ang kadagatan ilabi n sa mga mangingisda nga nagapangabuhi.
Sa nasambit nga layi, malikawan man ang mga emerhensya ukon pagbungguanay sang mga barko.
Bangud sini, ginsiling ni Brawner nga ila ginkalipay ang pagpirma sa bag-o nga layi bangud mangin klaro na sa karun ang hurisdiksyon sang Pilipinas sa teritoryo sini.
Indi naman magarantiya sang AFP nga maga-untat na ang China sa pagpangharass sa mga sasakyang pandagat sang Pilipinas.
