Nagapadayon ang konstruksyon sang bag-o nga drainage system sa Barangay Tiza, Roxas City bilang kabahin sang long-term flood mitigation program sang syudad.
Sa interview sang Bombo Radyo kay Mr. Melvin Galagate, head sang Roxas City Communication Group, iya ginpahayag nga padayon ang suporta sang City Government sa proyekto agud mabuligan nga magsubside ang problema sa masami nga pagbaha sa lugar.
Suno kay Galagate, kabahin ini sang mga tikang sang City Government sa paghatag sang long-term solution sa pagpahagan-hagan sang pagbaha sa tion nga magtupa ang manunog nga pag-ulan.
Ginalauman naman sang mga natungdan ang kooperasyon sang mga pumuluyo, ilabi na sa husto nga paghaboy sang basura, agud malikawan ang pagbara sa mga drainage nga isa sa mga sa problema sang pagbaha.
