Masobra 10-k katao, gin-evacuate bangud sa wildfire sa France

Masobra 10,000 ka pumuluyo ang gin-pangbakwit sang mga otoridid bangud sa wildfire sa France.

Wala pa makontrol sang mga bombero ang sunog nga naglamon na sang halos 4,600 ka ektarya sang kabukiran sang pundsod.

Suno sa mga otoridad, 16 ka tawo ang napilasan, lakip ang apat ka bombero.

Ginalauman naman nga mahimo pa maglapta ang kalayo bangud sang mainit nga panahon, pamala sang duta, kag mabaskog nga hangin.