-- ADVERTISEMENT --
Naglab-ot sa 2,025 ang excess deaths sa France bangud sa heatwave nga nag-igo sa Europe nga nagsugod sang katapusan nga semana sang Hunyo.
Ini nga numero nagarepresentar sang 30 porsyento nga pagtaas kon ipaanggid sa nagligad nga semana.
Suno kay French Health Minister Stéphanie Rist, nakatalupangod sang isa ka daku nga pagtaas sang mga napatay sa tunga sang mga indibidwal nga naga-edad 45 pataas.
Sang Hunyo 24, narekord sang France ang pinakamainit nga adlaw sa maragtas, sa diin ang temperatura sa Paris naglab-ot sa halos 41 degrees Celsius kag katunga sang pungsod ang ginpaidalom sa red heat alert.
Ginalauman nga magalab-ot liwat sa 40 degrees Celsius ang temperatura sa southern France, samtang nagpagwa sang red alert ang gobyerno.
-- ADVERTISEMENT --
