Nakarekord ang Philippine National Police sang kabug-usan nga 3,616 ka mga indibidwal nga naglapas sa election gun ban nga ginpatuman sa tion sang eleksyon sang pungsod.
Ini nga datos sang PNP ang narekord humalin Enero 12 tubtob Hunyo 11 sini nga tuig.
Ginreport man sang mga pulis ang pagkumpiskar sang 3,702 ka mga armas luthang sa sulod sang amo nga panahon.
Gipahayag sang Philippine National Police nga ang 2025 midterm National kag Local Elections subong nga tuig nangin matawhay sa pangkabug-usan.
Base sa datus sang National Election Monitoring Action Center, nakapatigayon sang kabug-usan nga 998,679 ka election checkpoints ang PNP sa bug-os nga pungsod nga nagresulta sa pagdakop sang 265 ka mga indibidwal.
Nagresulta man ini sa pag-intercept sang 1,879 ka mga indibidwal, 556 ka mga indibidwal ang nadakpan sa anti-illegal drugs operations, 229 sa gun buy-bust, 686 sa iban pa nga law enforcement operations, kag isa bangud sa internal security operation sa Bicol Region.
Ginpasalig sang bag-o nga pamunuan sang PNP nga ang ila hanay magapadayon sa pagbantay sa tanan nga bahin sang pungsod agud masiguro ang kaluwasan sang tagsa ka Pilipino.
