Naglab-ot na sa 4,234 hectares sang katubohan ang naapektohan sang Red-Striped Soft-Scale Insect (RSSI) sa probinsya sang Capiz.
Sa amo nga numero, 144.53 hectares ang totally affected samtang 4,089.47 naman ang partially affected.
Ini nga data ang nagikan sa Municipal Agriculture Offices as of August 12, 2026.
Sa interview sang Bombo Radyo kay 2nd District Board Member Gilbert Ardivilla, Chairman sang Committee on Agriculture sa Sangguniang Panlalawigan, iya ginpahayag nga sa iya paglibot sa mga sugarcane plantation, nakit-an niya nga tuman ka apektado ang mga mangunguma sa probinsya ilabi na sa banwa sang Pilar.
Naglab-ot sa 779 ka mga mangunguma ang naapektohan sa Pilar sa diin 1,47.93 hectares sang katubohan ang partially affected.
Suno kay Ardivilla, ang ginakahangaw-an pa gid amo ang posible nga paglapta sang RSSI sa humay kag mais kun indi ini mapunggan.
Pahayag niya, napalab-ot na ni Governor Fredenil Castro sa national government ang sitwasyon sang mga katubohan sa probinsya kag lauman nga may yara sang bulig nga ihatag sa mga mangunguma.
Dugang pa sang natungdan, bangud sa halit nga tuga sang RSSI, may posibilidad nga magataas ang presyo sang kalamay.
