Naglab-ot sa 738 nga mga eskwelahan sa pila ka rehiyon sa pungsod ang indi pa anay makasugod sang klase sa Hulyo 29 , 2024.
Ini bangud pila sa gihapon ka mga buluthuan ang nagapabilin ang epekto sang baha kag nagaserbe nga evacuation centers sang mga residente nga nagbakwit bangud sa bagyo Carina.
Kalakip sa mga rehiyon nga ini amo ang Region 3, Region 7, Cordillera Administrative Region kag mangin ang National Capital Region nga yara pa sa idalom sang State of Calamity.
Sa datos sang Department of Education, naglab-ot sa masobra 200 nga mga eskwelahan ang ginbaha samtang yara sa masobra 400 ang ginatiniran sang mga evacuees.
Naglab-ot naman sa masobra 12,000 ang mga buluthuan sa 65 nga mga division sa pulo (10) nga rehiyon ang naapektuhan sang bagyo nga Carina.
Suno naman Kay DepEd Sec. Sonny Angara, kun mahimo indi dapat maatrasar ang pagbalik sang klase agud indi maapektuhan ang mga natun-an sang mga estudyante.
