Nakapagkit ang Philippine Coast Guard (PCG) sang 75,261 outbound passengers kag 82,528 inbound passengers sa tanan nga pantalan sa bug-os nga pungsod subong nga ulihi nga weekend bag-o ang Paskwa.
Gani, nag-assign sila sang 2,902 ka frontline personnel sa 16 ka PCG Districts agud suportahan ang pagdagsa sang mga biyahero.
Diri natigayon nila nga ma-inspeksyon ang 606 ka mga sakayan pandagat kag 609 ka mga motorbanca.
Ginbutang sang PCG ang ila mga distrito, estasyon kag sub-estasyon sa heightened alert halin Disyembre 20, 2024 tubtob Enero 3, 2025.
Tinutuyo sini nga masabat sang ila mga tinawo ang paghalin kag pagbalik sang mga bakasyonista sa tion sang holiday season.
Para sa bisan ano nga kabalaka, mahimo ka makig-angot sa pahina sang PCG ukon Coast Guard Public Affairs Service (0927-560-7729), ilabi na yadtong may kaangtanan sa mga protocol kag mga pagsulundan sa pagbiyahe.
