Nagapabilin sa gihapon sa mga evacuation center sa Cordillera ang kabug-usan sang 812 pamilya nga una na nga naapektuhan sa pagpanglaslas sang bagyong Nika.
Suno sa Office of Civil Defense, 75 ka evacuation center sa Cordillera ang nagapabilin bukas kun sa diin temporaryo nga nagatiner ang mga evacuees.
Magluwas sa masubra 800 ka pamilya, temporaryo nga nagapuyo man ang 547 pamilya sa ila mga himata.
Ini ang ginakabug-usan sang masubra 1,800 ka indibidwal.
Sa kasagsagan sang pagpanglaslas sang bagyong Nika, naglab-ot sa 4,024 ka pamilya ang napilita nga mag-evacuate.
Ini ang kabaylo sang 10,800 katawo.
Ginalauman naman nga makapauli na ang mga ini sa ila tagsa ka kabalayan sa mga masunod nga adlaw matapos makahiwat sang inspeksyon sa ila mga balay nga gin-agyan sang bagyo.
Suno pa sa inisyal nga report, may yara sang 47 ka balay sa Cordillera nga nahalitan sa pagpanglaslas sang bagyo. Tatlo diri ang totally damaged.
