PRESIDENT ROXAS – Ginkumpirma ni President Roxas Mayor Receliste Escolin nga naga-abiso na ang Provincial Legal Office sa Local Government Unit (LGU) sang President Roxas nga mahimu nga maghire sang private lawyer agud mag-file sang ejectment case batuk kay Punong Barangay Alfonso Golero.
Suno kay Escolin nga nabaton na sini ang reply sang Provincial Legal Office nga indi sila makahawid sang nasambit nga kaso bangud may yara sang matabo nga ‘conflict of interest’ rason nga ginpakamaayo na lamang nga maghire sang private lawyer ang LGU sang President Roxas kag mag-file sang ejectment case.
Bangud diri, mas ginpakamaayo na lamang sang LGU nga magkuha sang ila nga lawyer agud ma-file ang ejectment case batuk kay Golero.
Desidido nga magfile sang ejectment case si Escolin agud mabawi ang isa ka ektarya nga duta nga ginatindugan sang commercial establishment ni Golero nga sakop sang gindonar nga lote sang Pamilya Golero sa LGU sang President Roxas.
Dako ang pagpati ni Escolin nga mabawi nila ang duta bangud iya ini sang President Roxas base sa donation paper nga ila na uyatan.
