CAPIZ – Handa nga sundon ni President Roxas, Capiz Mayor Receliste “Tanoy” Escolin ang rule of succession sang Supreme Court sa tion nga madesisyonan na ‘with finality’ ang kaso sini.
Una na nga nag-file sang certiorari sa Supreme Court ang alkalde kasunod sang pagbasura sang Commission on Elections (Comelec) En Banc sang iya motion for reconsideration may kaangtanan sa pagkansela sang iya certificate of candidacy para sa 2025 midterm elections.
Sa interview sang Bombo Radyo kay Escolin, iya ginpahayag nga hulaton anay niya ang pinal nga desisyon sang Korte Suprema may kaangtanan sa certiorari nga iya gin-file.
Ang certiorari amo ang petition nga nagahingyo sa higher court nga i-review ang desisyon ukon tikang sang government body.
Nagapanindugan si Mayor Escolin nga ang iya pagserbisyo sa banwa ang na-utod sang 90 ka adlaw bangud sa suspension nga gindagdag sa iya sang Office of the Ombudsman sang 2024.
Sa tion nga mabakantehan ang mayoralty seat, sundon ang Supreme Court ruling sa diin si Vice Mayor Jhefferson Pastrana ang magapungko nga alkalde kag indi si former Sangguniang Bayan member Bart Locsin.
