Ginpagwa sang Philippine National Police (PNP) ang medico-legal report sa kamatayon ni Former Department of Public Works and Highways (DPWH) Usec. Maria Catalina Cabral, lakip ang kompleto nga forensic kag DNA examination.
Suno sa PNP, natapos na ang 3D scan sang banglid sa Tuba, Benguet sa diin nasapwan ang bangkay ni Cabral sang Disyembre 18, 2025.
Ang report sang autopsy nagapakita nga si Cabral napatay bangud sa mga pilas sa ulo, lawas, kag wala nga butkon kag batiis nga tuga sang pagkahulog gikan sa kataason sang pil-as.
Natapos man sang PNP ang fingerprint examination, histopathology exam, kag DNA examination ni Cabral. Narekord man nga nagagamit siya anay sang antidepressant nga bulong.
Ginkumpirmar sang municipal doctor ang iya kamatayon sa pangpang sang Bued River sang Disyembre 19.
Matandaan nga gin-angot si Cabral sa kontrobersiya sang mgaflood control projects kag nagsumiter sang iya resignation sa DPWH sang Setyembre 2025 samtang nagapadayon ang imbestigasyon sang kongreso sa ginaalegar maanomaliya kag kickbacks nga nagadalahig sang pila ka mga mamalidha kag mga opisyal sang gobyerno.
Nahubaluan nga antes ini napatay, natalana nga i-refer sang Department of Justice (DOJ) sa Ombudsman ang kaso nga plunder batok sa iya kag sa iban pa nga opisyal sang DPWH.
