Malipayon nga ginpakigbahin ni showbiz veteran kag “Megastar” Sharon Cuneta ang iya senior citizen status matapos mag-60 anyos sang Enero 6.
Sa isa ka post sa social media, gin-share ni Sharon ang pagkabaton sang iya senior citizen card. Apisar nga may pila ka mga detalye nga gintabunan para sa privacy, maathag nga nalipay siya sa bag-o nga hugna sang iya kabuhi.
Matandaan nga sang nagligad nga bulan, ginsaulog ni Sharon ang iya ika-60 nga kaadlawan sa isa ka noontime musical variety show.
Sa selebrasyon, gin-anunsyo sang aktres nga may yara siya sang duha ka proyekto nga nakalinyada.
Sa pihak sang iya pagtungtong sa senior citizen, nagapabilin nga aktibo si Sharon sa showbiz.
Sa subong, isa siya sa mga hurado sang isa ka variety show nga ginapasilada kada adlaw sang sabado kag Dominggo.
