Kabug-osan nga 250 ka mga estudyante halin sa University of the Philippines Visayas ang nag-upod sa First Day Rage protest agud isinggit ang mga isyu nga ginapangatubang sang mga State Universities and Colleges (SUCs).
Sa interview sang Bombo Radyo kay Samantha Faye Herbolario, chairperson sang AnakBayan Panay, iya ginpahayag nga ang mayor nga demand nila amo ang dugang nga budget para sa edukasyon bangud halos tunga sa mga eskwelahan ang nagapangatubang sang budget cuts, lakip na ang ginaalegar P5 million nga kaltas sa pondo sang University of the Philippines.
Suno kay Herbolario, dapat may yara sang bastante nga pondo ang gobyerno agud makahatag sang kalidad kag accessible nga edukasyon sa state universities.
Ginkwestyon man niya ang gobyerno kun ngaa indi makit-an kag mabatyagan ang budget sa edukasyon ilabi na nga padayon nga naga-agunto ang mga unibersidad sa uilitado nga pasilidad kag resources.
