Patay ang lima ka mga ginapatihan katapo sang New People’s Army sa nagluntad nga engkwentro sa Barangay Abaca, banwa sang Cauayan, Negros Occidental.
Ang mga napatay amo sanday alias “Mistah,” “Ana,” “Anyo,” “Arnel,” kag “Roman”.
Sa interview sang Bombo Radyo kay Captain Jessie Jun R. Ebalan, Chief Division Public Affairs Office sang 3rd Infantry Division sang Philippine Army, iya ginpahayag nga ang lima ka mga casualty ang yara sa idalom sang Komiteng Rehiyon-Negros sang Communist Terrorist Group ukon CTG”.
Suno kay Captain Ebalan, na-recover sa area ang pila ka high-powered firearms lakip ang M60 machine gun, M16 rifles, M14 rifle, M203 grenade launcher kag hand grenade.
Samtang napadayon naman ang imbestigasyon sang mga otoridad may kaangtanan sa insidente kag sa posible nga koneksyon sang mga napatay.
