Nagtaas pa ang numero sang mga indibidwal nga apektado sang sang gintingub nga epekto sang Southwest Monsoon, Bagyong Butchoy kag Carina.
Sa datos sang National Disaster Risk Reduction and Management Council (NDRRMC) subong nga adlaw, yara sa masobra 1.3 milyon nga indibidwal ang naapektuhan sang malain nga tyempo sa 1,596 nga barangay nagikan sa Regions 1, 2, 3, 5, 6, 7, 9, 10, 11, 12, CALABARZON, MIMAROPA, CARAGA, BARMM, CAR kag NCR.
Sa nasambit nga numero, 53,414 nga pamilya ukon kabaylo sang halos 212,000 nga indibidwal ang nagapabilin sa 820 nga mga evacuation centers samtang yara naman sa masobra 675,000 nga indibidwal ang mas ginpili nga magpabilin sa ila tagsa ka mga puluy-an.
Mahibaluan nga 14 ka mga indibidwal ang ginbawian sang kabuhi, kun sa diin 8 diri ang kumpirmado samtang 6 pa ang padayon nga ginaberepika.
Nakapagkit naman ang ahensya sang 2 ka mga napilasan kag 2 ang nagapabilin nga missing.
Samtang, yara sa P61-M nga balor nga bulig ang napanagtag na sang gobyerno sa mga apektado nga rehiyon.
